Psa 8 | JAE | STEP | O Apômtau, aêacma Ŋatau, nêm ŋaê ŋawae kêsa gêjam nom aucgoc. Êsêac sêlambiŋ aômnêm ŋawasi e jagêdêŋ undambê.

Psalms 8

PESALEM 8

Tatoc Anôtô sa gebe gêgôm aêac waeŋ kêsa

1 O Apômtau, aêacma Ŋatau, nêm ŋaê ŋawae kêsa gêjam nom aucgoc.
Êsêac sêlambiŋ aômnêm ŋawasi e jagêdêŋ undambê.
2 Ŋapalê to ŋapalêo dedec aweŋ sêlambiŋ aôm sêwiŋ.
Aôm gôboa gamêŋ ŋajaŋa sa
êpuc nêm ŋacjo su
ma nêm soŋo-soŋo to lau-sêli-aweŋ-sawaga sênam tauŋ ôkwi.

3 Aê embe jalic undambê, taŋ lêmamlatu kêkêŋ,
ma embe jalic ajôŋ to utitalata, taŋ kômasaŋ naŋ,
4 (oc taêc ênam tauc gebe) Ŋamalac tau oc amboac asageŋ, tec taêm gêjam eŋ,
ma ŋamalac latu oc amboac asageŋ, tec gôjam jaom eŋ nec.

5 Aôm kôkêŋ eŋ kêdabiŋ gebe êtôm aôm,
ma gôjam gêlôŋ eŋ ŋa wae to ŋawasi.
6 Aôm kôkêŋ eŋ gêjam gôliŋ gêŋ, taŋ lêmam gôgôm naŋ,
ma kôkêŋ gêŋ samob kêsô eŋ ŋalabu.
7 Kôkêŋ domba to bulimakao
ma kôkêŋ bôc saleŋŋa gêwiŋ.
8 Aôm kôkêŋ moc, taŋ sêmoa umboŋ ŋalabu ma i, taŋ sêmoa gwêclêlôm,
to gêŋ mateŋ jali gwêcŋa samob, taŋ sêsa nêŋ lêŋ gêdêŋ-gêdêŋgeŋ naŋ.

9 O Apômtau, aêacma Ŋatau,
nêm ŋaê ŋawae kêsa gêjam nom aucgoc.
Dawidnê pesalem teŋ.